Dekabr ayının 14-də Türkiyənin GOSB Teknopark A.Ş. və #Blink İnkubatoru tərəfindən Azərbaycan startapları üçün “Fikrim Var, YA SONRA?” Səriştəlik Proqramı üzrə virtual Demo Day tədbiri keçirilib.
Uğurlu pitçinq ilə çıxış edən Azərbaycan startapları növbəti mərhələdə türkiyəli mütəxəssislər tərəfindən mentorluq dəstəyi alacaqlar. GOSB Texnoparkının İnkubasiya Mərkəzi tərəfindən yerli startaplara həmçinin, kovorkinq dəstəyi də göstəriləcək.
“Fikrim Var, YA SONRA?” Səriştəlik Proqramı cari ilin noyabr ayının 1-dən start götürüb. Proqramda Azərbaycanın müxtəlif regionlarından 134 nəfər qeydiyyatdan keçib. Noyabr ayı ərzində startaplara müxtəlif mövzularda ümumilikdə 14 təlim keçirilib. Proqram ərzində gənclərimiz sahibkarlıq və startap sahələrində səriştəli türk mentorlarının bilik və təcrübələrindən yararlanıblar.
