Start.Up Demo Day 2022 çərçivəsində Bakıda səfərdə olan Gürcüstanın DG Systems, Styx, TTM, Corvis və Costy startapları qurumun fəaliyyəti, yerli və beynəlxalq tərəfdaşlarla mövcud əməkdaşlıq platformaları ilə yaxından tanış oldular.
Həmçinin, ölkəmizdə iş mühiti üçün yaradılan əlverişli şərait, texno-parklarda rezidentlik statusunun əldə edilməsi və tətbiq olunan əlverişli vergi və gömrük güzəştləri haqqında məlumat verilib. Startaplara dəstək inkişaf proqramları çərçivəsində həyata keçirilən uğurlu layihələrdən, o cümlədən Take Off Baku Startap Sammiti 2022-dən geniş söhbət açılıb.
Startapçılar İnnovasiya və Rəqəmsal İnkişaf Agentliyinin nəzdində fəaliyyət göstərən ‘’Pirallahı’’ Yüksək Texnologiyalar Parkının rezidenti olan ‘’RD Smart’’-ın istehsalat sahəsinə baş çəkmiş və hazır məhsullarla əyani tanış olmuşlar.
