“Oculus Connect 2021” tədbiri zamanı “Facebook”-un CEO-su Mark Zukerberq korporasiyanın adının dəyişdirildiyini elan etdi və o indən sonra “Meta” adlanacaq.
“Bizim brendimiz Facebook sosial şəbəkəsi ilə sıx bağlıdır, lakin biz artıq tək deyilik.“Meta” şirkəti çəmbərində Facebook, Instagram, WhatsApp, Oculus kimi alt şirkətlər yer alacaq və bundan sonra şirkətimiz “Meta” adlanır “deyə o bildirib
Zukerberqin sözlərinə görə, metaversenin yaradılması “Facebook” üçün çox şey deməkdir və bu səbəbdən o, şirkətin adını dəyişmək qərarına gəlib.
Zukerberqin düşündüyü kimi, metaverse insanların “yaşayacağı” virtual dünya olacaq. O qeyd edib ki, onun əsas məqsədi insanların ünsiyyət qurmasına və hər zaman orada olmasına kömək etməkdir.
“Facebook” 2014-cü ildən indiki adı ilə mövcuddur. Planlaşdırılan rebrendinq ilk dəfə keçən həftə elan edildi.
Son zamanlar “Facebook” ictimai maraqlara məhəl qoymamaq və öz mənfəətini artırmaq üçün dezinformasiyanın yayılması kimi bir çox ittihamlarla üzləşib.
Bu səbəbdən şirkət çətinliklərlə üzləşdi və onun reputasiyası demək olar ki, çökdü. Bir çox KİV korporasiyanın adının dəyişdirilməsinin vəziyyəti düzəltmək cəhdi olduğunu iddia edir.
