Əvvəllər “Facebook” olan “Meta” kriptovalyuta şirkətlərinin reklamına qoyulan qadağanı ləğv etmək qərarını açıqladı.Bu addım şirkətin öz rəqəmsal valyutasını bazara çıxarmaq üçün uğursuz cəhdindən sonra atılıb. Xatırladaq ki, dünən “Meta”-nın kriptovalyuta biznesinin rəhbəri Devid Markus şirkətdən ayrıldığını açıqlamışdı.
“Meta” açıqlayıb ki,kriptovalyuta mənzərəsi son illərdə yetkinləşməyə və sabitləşməyə davam edib. Sənaye üçün daha aydın qaydalar müəyyən edən daha çox hökumət qaydaları qəbul edildi. Şirkət 2018-ci ilin yanvarında kriptovalyuta reklamlarına qadağa qoyub, lakin 2019-cu ilin mayında qadağanı bir qədər yüngülləşdirib. Görülən tədbirlər kriptovalyuta startaplarının “Facebook” və “Instagram”-da işlərini təbliğ etməsinə və müştəriləri cəlb etməsinə mane oldu.
“Meta” ötən il özünün kriptovalyuta yaratmaq planlarını əhəmiyyətli dərəcədə azaldıb. 2019-cu ildə öz rəqəmsal pulu və elektron pul kisəsi ilə bağlı planlarını paylaşan şirkət, bütün dünyada qanunvericilər və tənzimləyicilərin sərt reaksiyası ilə üzləşdi.
Nəhayət “Meta” oktyabr ayında “Novi” rəqəmsal cüzdanını sınaqdan keçirdi, lakin rəqəmsal valyuta hələ təqdim edilməyib.Görünür bu iş həqiqətən son oldu.
