Argentina vətəndaşı “Facebook” sosial şəbəkəsində intihar edəcəyi ilə bağlı statusu yazması aranı qarışdırıb.”ICTinfo.az” “vladtime.ru” resursuna istinadən bildirir ki,yeni ağıllı alqoritmin sayəsində virtual resurs həyəcan siqnalını ABŞ administratorlarına çatdırdıqdan sonra onlar Buenos-Ayresə həyəcanlı məlumat göndəriblər. Nəticədə inkişaf etmiş texnologiyaların köməyi ilə təcili xidmət işçiləri qadının yaşayış ünvanını öyrənərək operativ şəkildə ora gediblər.Xilasedicilər ünvana çatdıqda status yazan qadının yüksək dozalı yuxu dərmanı içərək döşəmədə köməksiz vəziyyətdə qaldığının şahidi olublar.Təcili surətdə xəstəxanaya yerləşdirilən qadının həyataı xilas edilib. “Facebook”-un rəhbəri Mark Zukkenberq bir qədər əvvəl sosial şəbəkənin istifadəçilərin sorğularını və fikirlərini təhlil edən intellektual alqoritmin yaradıqlarını bildirib.Bu zaman şübhəli mesajlar olduğu halda, həyəcan siqnalı “Facebook” administratorlarına ötürülür.Bundan sonra onlar şəhərin təcili xidmət nümayəndələri ilə əlaqə saxlayaraq həyəcanlı məlumatı ötürürlər.Beləliklə yenilik Argentina vətəndaşının həyatını xilas etdi.
