Sentyabrın 14-nə keçən gecə, yerli vaxtla saat 00:00-da Türkiyədə “iPhone 7” və “iPhone 7 Plus” smartfonlarının satışına start verilib.Yeni “iPhone”ları almaq istəyənlər gecə saatlarında mağazaların qarşısında növbəyə durublar.
“Apple”ın İstanbul, Ankara və Bursadakı mağazalarında gecəyə və soyuq havaya rəğmən, çoxlu sayda insan növbə yaradıb. Bursada 1 saat ərzində bütün “iPhone”lar satılıb. “Apple” mağazasının Mərmərə bölgəsi üzrə rəhbəri Rəmzi Taşkın yeni smartfonlara çox böyük maraq olduğunu söyləyib: “Satışlar çox uğurla gedir. Gecə olmasına baxmayaraq, vətəndaşlarımızı mağazalara axın etdi. Satış hədəflərimiz çox yüksəkdir, amma hazırda tələbatı ödəyə bilməyəcəyimizdən narahatıq”.
Qeyd edək ki, “iPhone 7”nin Türkiyədə qiyməti 3 min 249 lirədən başlayır.
