“Apple” 2017-ci il iPhone-da vacib xüsusiyyətdən imtina edə bilər

Gələn ay “Apple”şirkəti güman olunan iPhone 7-ni təqdim edəcək. Lakin artıq indidən iPhone 8 modelində ola biləcək dəyişikliklər haqqında söhbətlər yayılır.”Apple”ın planları ilə yaxından tanış olan bəzi adamların sözlərinə görə şirkət artıq 2017-ci ildə təqdim olunacaq iPhone modelinin dizaynı üzərində çalışır. Həmin model iPhone-da əsas diqqət smartfonun ekranına yönələcək. Belə ki, 2017-ci il versiyalı cihazda şirkət “Home” düyməsindən tamamilə imtina edə bilər. “Technote.az”ın “Bloomberg.com” saytına istinadən verdiyi xəbərə əsasən daha əvvəllər də yayılmış məlumatlara görə “Home” düyməsinin bütün özəllikləri ekrana inteqrasiya ediləcək. Bura həmçinin Touch ID barmaq izi skanı da daxildir. Həmçinin bəzi məlumatlara əsasən iPhone 8 əyilmiş OLED ekran, naqilsiz enerji yığma funksiyası və göz qişasının skanı ilə təchiz olunacaq. Qeyd edək ki, 2017-ci ildə iPhone dizaynının tamamilə yenilənməsi gözlənilir. Belə ki, gələn il cihazın 10 yaşı tamam olacaq.