iPhone 7-nin üzərinə əridilmiş qızıl tökülərsə nə baş verər? (VİDEO)

TechRax adlı videoblogger iPhone 7 modelinin üzarinə əridilmiş qızılın tökülməsi halında nə baş verdiyini yoxlayıb.

Qızılın ərimə temperaturu 1064 dərəcədir. 50 qr-lıq kiçik qızıl külçəsini blogger əridərək xüsusi qaba yerləşdirib və daha sonra ərinmiş qızılı yeni iPhone 7-nin ekranının üzərinə töküb.”İctinfo.az” “Technote.az”-a istinadən bildirir ki, ekran bu cür yüksək temperatura çox həssas olub. İlk öncə ərinmiş qızılın tökülmüş hissəsinin matrisasında qara ləkə əmələ gəlib. Bir qədər sonra soyuyan metalın sayəsində smartfonun kənar hissələri də qızaraq qara ləkələrlə örtülüb. Bununla belə smartfon işləməyə davam edib. Ən azından təcrübənin ilk dəqiqələrində görünür ki, cihazın daxilindəki hissələr zədə görməyib. Həmçinin ekranın sensoru da toxunuşlara reaksiya verirdi.