“Meta” Platformları metaverse istifadəçilərinə virtual məkanda yaradılmış məzmundan pul qazanmağa imkan verəcək yeni funksiyaları sınaqdan keçirməyə başlayıb.”Meta”-ya məxsus “Horizon Worlds” platformasının bəzi istifadəçiləri müxtəlif monetizasiya alətlərinin sınaqdan keçirilməsində iştirak edə biləcəklər.
Gözlənildiyi kimi, bu mərhələdə virtual oyunlar, moda aksesuarları və digər virtual əşyalar yaradan yalnız bir neçə məzmun yaradıcısı yeni imkanlar əldə edəcək. Belə ki, yeni funksiyalardan biri virtual əşyaların satışı və ya istifadəçilər tərəfindən yaradılmış xüsusi rəqəmsal məkanlara ödənişli girişin təmin edilməsi imkanlarını nəzərdə tutur. Eyni zamanda,”Meta Horizon Worlds” platformasının yeni funksiyalarını sınaqdan keçirən iştirakçılara pul ödəyəcək Creator Bonus proqramı işə salınır. Bu mərhələdə sözügedən proqram ABŞ-dan olan metaverse istifadəçilərinə təsir göstərir.
“Biz çoxlu heyrətamiz dünyaların yaradılmasını istəyirik və bu, özlərini dəstəkləyə bilən və bunu öz işinə çevirə bilən çoxlu istifadəçi tələb edir” “Meta” şirkətinin baş direktoru Mark Zukerberq bildirib.
Beləliklə,”Meta” istifadəçilərin virtual avatarlardan istifadə edərək bir-biri ilə qarşılıqlı əlaqədə ola biləcəkləri rəqəmsal dünyalar olan metaverselərin inkişaf yolunu davam etdirir. Şirkətin son məqsədi insanların təkcə dincəlmək və əylənmək deyil, həm də işləmək, yaradıcı olmaq, ünsiyyət qurmaq, alış-veriş etmək və s. edə biləcəyi virtual məkanlar yaratmaqdır.
