İnternetdə çox yaxında istifadəçilərin peyk rabitəsi dəstəyi ilə “Samsung” smartfonu ala biləcəkləri barədə məlumatlar yayılıb.İlk belə model yaxın gələcəkdə buraxılacaq “Galaxy S23” olmalıdır. Məlumatlara görə, yaxın gələcəkdə “Samsung” brendi peyklə işləyən smartfonları dünyaya təqdim etmək niyyətindədir, onlar “Galaxy S23″ xəttinin qurğuları olacaq.”ICTinfo.az” “actualnews.org” reursuna istinadən bildiri ki,bu ideyanı həyata keçirmək üçün Cənubi Koreya brendi peyk rabitəsi şirkəti “Iridium” ilə əməkdaşlığı inkişaf etdirdi. Belə fərziyyələr var ki, “Samsung” təkcə peyk rabitəsindən fövqəladə istifadəyə deyil, yüzlərlə kbit/saat sürətlə aşağı tutumlu mətn mesajları və şəkillərə icazə verməklə rəqiblərini qabaqlamağı planlaşdırır. Belə imkanları inkişaf etdirmək üçün şirkətin mütəxəssisləri iki il çəkdi. Məlumata görə, onların qarşılaşdıqları əsas problem heç bir müasir smartfona vizual cazibə qatmayacaq böyük antenanın (RF) istifadə ehtiyacı olub. Bildirilir ki, hazırda şirkət bu mərhələni başa vurub. Rəqəmsal emal üçün mobil və peyk modemlərinin inteqrasiyası üzrə işlərin başa çatdırılması barədə də məlumat var, lakin “Samsung” hələ ki, bunu təsdiq etməyib. Güman edilir ki, “Samsung”-dan peyk rabitə sisteminin təqdimatı yeni smartfonun buraxılışı ilə eyni vaxtda, yəni fevralın əvvəlində baş tutacaq. Xatırladaq ki, “Huawei” və “Apple” smartfonlarının son modelləri artıq peyk funksiyasından istifadə edir. Beləliklə, onların ABŞ və Kanadadakı sahibləri şəbəkə olmadığı halda təcili yardım xidmətləri ilə əlaqə saxlaya biliblər. “Apple” bildirir ki, aydın səma altında peyk rabitəsindən istifadə edərək mesaj göndərmək üçün cəmi 15 saniyə lazımdır.
