Sparrow News xəbər verir ki, Samsung 2024-cü ilin yanvarında Galaxy S24 seriyalı telefonları nümayiş etdirəcək Galaxy Unpacked təqdimatını keçirəcək.
Nəşrin ixtiyarında tədbirin tarixini — yanvarın 18-i və Samsungun yeni nəsil flaqman cihazlarında görünəcək Galaxy AI texnologiyasının anonsunu göstərən tizer var idi.
Galaxy AI loqosu Google-un Bard chatbotuna bənzədiyi üçün smartfonlarda, ehtimal ki, Google texnologiyasına əsaslanan daxili süni intellekt həllərinin olması gözlənilir.
Xatırladaq ki, 2023-cü ildə Galaxy Unpacked üç ildən sonra ilk dəfə tam zamanlı formatda keçirilib. Yeni smartfonların təqdimatı üçün məkan kimi San-Fransisko seçilib və tədbirin özü fevralın 1-də baş tutub.
