Şirkət brend smartfonların beynəlxalq versiyaları üçün “Android 12″ əsaslı proqram təminatının sınaqdan keçirilməsinə başladığını elan etdi.”ICTinfo.az” “4Pda.ru” saytına istinadən bildirir ki,”Xiaomi Mi11″,”Mi11i” və “Mi11 Ultra” smartfon sahibləri,son MIUI interfeysinin beta testində iştirak edən ilk ola bilərlər. Şirkət bu cihazların hər birinin sahiblərindən 200 müraciət qəbul etməyə hazırdır. Bunun üçün “Xiaomi Stabil ROM” proqramında əvvəlcədən qeydiyyat tələb olunur.
“Xiaomi-nin beta testçilərinə irəli sürdüyü şərtlər arasında ən az 18 yaş və qurğunun aktiv istifadəsi də var. Bundan əlavə, proqram iştirakçısı, tapılan səhvlər və uğursuzluqlar haqqında mütəmadi olaraq istehsalçıları xəbərdar etməli və “MIUI”-nin işi ilə bağlı təəssüratlarını bölüşməli olacaq.Rəsmi “Xiaomi” forumunda beta testində iştirak etmək üçün müraciət edə bilərsiniz.
Şirkət qeyd edir ki, daha əvvəl müraciət edən istifadəçilər proseduru təkrar etməlidirlər.”Android 12″-yə gəldikdə,”Google”-un 4 oktyabrda mobil əməliyyat sisteminin sabit bir versiyasını buraxması gözlənilir.
