Daim smartfonların birincilik sıralalamasın aparan “AnTuTu” şirkəti ənənəsinə sadiq qalaraq bu dəfə də “Android” əməliyyat sisteminin idarəetməsi ilə işləyən smartfonların reytinqini dərc edib.Qüyd edək ki,reytinq iyun ayını əhatə edir.
“ICTinfo.az” “Ferra.ru”-ya istinadən yazır ki, sıralamada ilk yerləri tutan smartfonların böyük çoxluğu “Qualcomm Snapdragon 845” prosessoru ilə təchiz olunan qurğulardır. Bununla belə onlar müxtəlif dizaynlara malikdir və “Android”-lə işləyir.
İyun reytinqinə 287 min bal toplayan “Xiaomi” şirkətinin “Black Shark” oyun smartfonu birincidir.
Az bir nəticə-284 min balla ondan geri qalan “Vivo NEX” modeli ikincidir. Üçüncü sıranı “OnePlus 6” smartfonu (282 min bal) tutub.
Liderlərin onluğuna “Xiaomi Mi 8”, “Smartisan Nut R1”, “Samsung Galaxy S9+”, “Xiaomi Mi MIX 2s”, “Samsung Galaxy S9”, “Sony Xperia Z2” və “Nubia Red Magic” qurğuları ardıcıllıqla daxildir.
Xatırladaq ki, “AnTuTu” “Android” və “iOS” smartfonların siyahısını hər ay dərc edir.
