Şirkət “Awesome Galaxy A Event”-ə dəvətlər göndərməyə başlayıb. Adından da göründüyü kimi təqdimatda söhbət yeni “Galaxy A” seriyası smartfonlarından gedir.Rəsmi tizerə əsasən, onlayn premyera martın 17-də Bakı vaxtı ilə saat 18:00-da baş tutacaq. Şirkət təqdimatda hansı cihazların nümayiş etdiriləcəyini dəqiqləşdirməyib – şayiələrə görə, bunlar 6,7 düymlük displey və Snapdragon 750G prosessorlu Galaxy A73 modelləri, həmçinin Exynos 1200 mobil platforması əsasında qurulan Galaxy A53 olacaq.
“Samsung bu il maraqlı Galaxy A seriyası yeniliklərini daha da təkmilləşdirir. Heyrətamiz yeni Galaxy A seriyalı cihazlar insanlara smartfondan istədikləri bütün təcrübəni vermək üçün nəzərdə tutulub”, – şirkət müşayiət olunan mətndə qeyd edir.
