Bundan əvvəl Counterpoint Technology Market Research 2022-ci ilin birinci rübü üçün smartfon bazarı üzrə araşdırmanın nəticələrini dərc edib. Göstərdi ki, bu kateqoriyada ən çox satılan qurğular onluğunda ilk üç yeri müvafiq olaraq “Apple iPhone 13″,”iPhone 13 Pro Max” və “iPhone 13 Pro” tutur. İndi şirkət “Apple”-ın qlobal premium smartfon bazarının 60%-dən çoxuna sahib olduğunu göstərən məlumatları dərc edib.
Araşdırma nəticəsində məlum olub ki,2022-ci ilin birinci rübündə “Apple”-ın premium smartfonlar seqmentindəki payı 2017-ci ilin birinci rübündən bəri ən yüksək səviyyəyə çatıb. Premium smartfon seqmenti ümumi smartfon bazarını üstələyir, keçən oktyabr ayından bəri hər ay ən çox satılan model olan “iPhone 13” xəttinin populyarlığı sayəsində “Apple” 62% paya sahibdir.
Ultra premium smartfon seqmentində satış artımı “Apple” və “Samsung” cihazlarının populyarlığı ilə şərtlənir.”iPhone 13 Pro Max” və “iPhone 13 Pro” birlikdə bu seqmentdə ümumi satışların üçdə ikisindən çoxunu təşkil edir. Bu, ABŞ, Çin və Qərbi Avropada güclü satışlarla dəstəklənib. Çində 1000 dollardan yuxarı qiymət seqmentində smartfonların satışı 2022-ci ilin birinci rübündə illik müqayisədə 176% artıb.
“Samsung” premium smartfonların satışına görə ikincidir, lakin “Galaxy S22” seriyasının təqdimatının gecikməsi səbəbindən Cənubi Koreya şirkətinin payı azalıb. Qeyd olunur ki, “Galaxy S22 Ultra” cihazı “Galaxy S” və “Galaxy Note” xətti ən yaxşılarda öndədir.
