Bu günlərdə bütün dünyada, o cümlədən Azərbaycanda təqdim edilən “Galaxy S8″ smartfonlarının ilk texniki problemləri ortalığa çıxıb.Smartfonun ilk müştərilərinin bildirdiyinə görə,”Galaxy S8” istifadəçi müdaxilə etmədən özü-özünə yüklənməyə (perezaqruzka) başlayır.
“Ictinfo.az” “dni24.com”-a istinadən bildirir ki,yeni smartfonda yaranan nöqsan istifadəçilərin böyük narazılığına səbəb olub və bununla bağlı problemin həllini tapmaq üçün istehlakçılara dəstək forumları vasitəsilə “Samsung”-a müraciət edilməyə başlanılıb. Əvvəlcə sosial şəbəkə iştirakçıları bir-birlərinə bildirib ki,bunu həll etmək üçün yaddaş kartını çıxarıb yenidən yerinə taxmaq lazımdır, çünki qurğunun yenidən yükləməsi microSD-yə görə ola bilər. Aparılan müzakirələr nəticəsində “yaddaş kartını yenidən quraşdırması” kimi texniki məsləhət məsələni kökündən həll etməyib və telefonlar səbəbsiz yerə heç bir müdaxilə edilmədən yenidən yüklənməyə davam edib.
Məsələyə dərhal reaksiya verən “Samsung” şirkəti tezliklə bütün aşkar edilmiş noqsanların aradan qaldırılması üçün əlavə məlumat veriləcəyini bildirib.
