Telefonu təmirə veməzdən əvvəl içərisindəki şəxsi fotoşəkilləri cihazın yaddaşından silmək tövsiyə olunur .Onlar vicdansız usta tərəfindən oğurlanıb başqa məqsədlər üçün istifadə edilə və ya internetdə ictimaiyyətə sıza bilər.”Samsung” problemi həll etmək qərarına gəldi:İndi Koreya istehsalçısının telefonlarında fotoşəkilləri gizlətməyə imkan verən Təmir Modu funksiyası (“təmir rejimi”) görünəcək.
Təmirə təhvil verməzdən əvvəl istifadəçi parametrlərdə müvafiq funksiyanı aktivləşdirir. Telefon yenidən yüklənir, bundan sonra bütün şəxsi məlumatlar və aktiv hesablar gizlədilir – yalnız əvvəlcədən quraşdırılmış standart proqramlar mövcud olacaq. İstifadəçi cihazı emalatxanadan qaytardıqdan sonra telefonun normal işini bərpa edə biləcək. Bunu etmək üçün parametrlərdə eyni elementə qayıtmalı, təmir rejimini söndürməli və barmaq izi skaneri vasitəsilə autentifikasiya etməli və ya nümunə daxil etməlisiniz.
Təəssüf ki, yeni funksiya bütün smartgonlarada dərhal görünməyəcək.”Samsung” yeniliyi “Galaxy S21” ilə başlamağı planlaşdırır: Təmir rejimi Koreyadakı istifadəçilər üçün başqa bir proqram təminatı yeniləməsi ilə debüt edəcək. Sonradan yenilik digər modellərdə və ola bilsin ki, digər regionlarda da mövcud olacaq.
