“Nokia” şirkəti (HMD Global istehsalçısına məxsusdur) əfsanəvi “Nokia 5310” telefonunu tam yenilənmiş versiyasın təqdim edəcək.”ICTinfo.az” “4pda.ru” resursuna istinadən bildirir ki,yenilənmiş “Nokia 5310” telefonu 240х320 piksel təsvir ölçülü 2,4 düymlük ekran, 8 meqabaytlıq operativ yaddaş və 16 meqabaytlıq quraşdırılmış yaddaş, SİM kart üçün iki çıxış, 1200 milliamper/saat tutumlu batareya ilə təchiz ediləcək.Telefonun arxa panelində 0,3 meqapikselli tək kamera yerləşir.Orijinal model kimi qurğu “T9” dəstəkli düyməli klaviaturaya malik olacaq. Telefonun buraxılış tarixi barədə məlumat verilmir.
Qeyd edək ki, “XpressMusic” telefonlar seriyasına daxil olan orijinal “Nokia 5310” telefonu 2007-ci ilin sonunda buraxılıb. Qurğu səsin keyfiyyətini yaxşılaşdıran çip, 2 meqapikselli kamera və pleyerin idarə olunması üçün xüsusi düyməyə malik olub.
