Finlandiyanın “Nokia” şirkəti ABŞ-Fransa birgə müəssisəsi olan “Alcatel-Lucent”in alqı-satqısı üzrə sövdələşməni başa çatdırıb. “Gazeta.ru”-nun xəbərinə görə, bu proses “Nokia”ya 15,6 mlrd. avroya başa gəlib.Bundan sonrakı mərhələ birləşmiş korporasiyanın təşkilati strukturunun yenidən qurulması olacaq.
Qeyd edək ki, “Nokia” və “Alcatel-Lucent” bu ilin əvvəlindən vahid şirkət kimi fəaliyyət göstərib. Sadəcə, “Alcatel-Lucent”in 100% səhmlərinin alınması prosesi yalnız indi başa çatıb.
