Əfsanəvi “Nokia” markası altında qurğular hazırlayan “HMD Global Oy” Fin şirkəti bu dəfə “ağıllı” “CHASE Lifetech FR” gödəkcəsini təqdim etdi. Yenilik öz sahibinin sağlamlıq vəziyyətini monitorinq etmək bacarığına malik olacaq. “ICTinfo.az” “vc.ru”-ya istinadən bildirir ki,”ağıllı” gödəkcənin ilk prototipini “Nokia”,Çexiyanın “Kolon” və Cənubi Koreyanın “GINA” IT-şirkətləri hazırlayıb. “CHASE Lifetech FR” ilk baxışdan müxtəlif tənzimçilər əlavə edilmiş adi gödəkcəni xatırladır.
Gödəkcə insanın bədən temperaturunu sabit saxlamaqla onun nəbzini, təzyiqini, qanda olan oksigenin miqdarını real zamanda ölçərək məlumat verir. Əgər bu göstəricilərdən biri ürəkaçan olmazsa qurğu bu barədə həyəcan siqnalı göndərəcək.
“Ağıllı” gödəkcələr ilk növbədə peşələri riskli olan polislər, yanğın söndürənlər, xilasedicilər və başqa təhlükəli işlə məşğul olan insanlara lazım olacaq.
“CHASE Lifetech FR” adi USB vasitəsilə enerji toplayır.Lazım olduqda tənzimçiləri götürüb müəyyən kökləmələr aparmaq olar. Hələlik yeni qurğunun qiyməti məlum deyil.
