«Nokia» – tarixdə ən çox satılan mobil telefonların reytinqində ən çox yer tutan marka olub. Finlandiyanın mobil telefon şirkəti “Nokia” tarix boyu ən çox satılan mobil telefonların reytinqinin sıralarının çoxunu tutub. Siyahıda ilk pilləni 2003-cü ildə istehsal olunan «Nokia 1100» tutub, bu modeldən dünyada 250 milyondan çox satılıb. «Nokia»nın 2005ci ildə satılan milyardıncı telefonu da elə « Nokia 1100 » olub.
Siyahının ikinci pilləsini 2005-ci ildə satışa çıxarılan «Nokia 1110» tutub. Bu model də dünya üzrə ümumilikdə 250 milyondan artıq satılıb. Üçlüyü 150 milyon satışla « Nokia 3210 » telefonu tamamlayıb.
Sonrakı 2 yeri yenə də «Nokia» modelləri tutub. Dördüncü yerdə «Nokia 1200», beşinci yerdə «Nokia 5230», altıncı yerdə isə «Nokia 6600» tutub. İlk iyirmiliyə həmçinin: «Nokia 2600», «Nokia 1600», « Nokia 3310 », «Nokia 1208», «Nokia 6010» və «Nokia 5130» telefonları daxil olub.
Reytinq cədvəlinə həmçinin « iPhone 4s », «iPhone 5», «iPhone 6» («iPhone 6 Plus» versiyası ilə birlikdə) və «Samsung»un 3 modeli («Galaxy S III», «Galaxy S4» və «Samsung E1100»).
Nəhayət, «Motorola» şirkəti iki modeliylə («StarTAC» və «RAZR V3») bu siyahıya daxil olub. Xatırladaq ki, 2014-cü ilin aprelində gəlirlərinin aşağı düşməsi səbəbilə «Nokia» özünün mobil bölməsini «Microsoft»a satmışdı və bütün diqqətini telekommunikasiya avadanlıqlarının istehsalına yönəltmişdi. Bu müqavilə «Microsoft»a xüsusi gəlir gətirmədi və nəticədə uğursuz olaraq tanındı.
