O,»Android»-dən 10% daha sürətlidir
Nəhayət «Huawei», özünün «HarmonyOS» mobil əməliyyat sisteminin beynəlxalq təqdimatı ilə bağlı planlarına aydınlıq gətirib.
Təfərrüatları «Huawei»-nin Rumıniyadakı istehlakçı bölməsinin rəhbəri Derek Yu müsahibəsində deyib. Top menecerin sözlərinə görə, Çindən kənarda «Huawei» smartfon istifadəçiləri 2022-ci ildə yeniləməni ala və yeni «HarmonyOS» əməliyyat sistemini sınaqdan keçirə biləcəklər.
O, «HarmonyOS» sisteminin müsbət istifadəçi rəyləri aldığını və ümumi göstəricilərinin «Android»-dən 10% yaxşı olduğun vurğulayıb.
Qeyd edək ki, «HarmonyOS 2.0»-ın təqdimatı hələ beynəlxalq bazarda baş tutmasa da, «HarmonyOS 3.0» artıq Çində tərtibatçılar üçün elan edilib. «HarmonyOS 3.0»-ın beta sınağı gələn ilin birinci rübündə başlayacaq.
