“Huawei Mate 50” smartfonu “Qualcomm Snapdragon 898” prosessoru alacaq, ancaq “4G” şəbəkələrini dəstəkləyəcək.Cihazın özü yalnız gələn il təqdim olunacaq.”Huawei Mate 50″-nin dizaynı əvvəllər şirkət tərəfindən rəsmi olaraq təsdiqlənmişdi.”Huawei” nümayəndələri qeyd ediblər ki, hazırda cihazın texniki təchizatı məsələsi həll olunur. Cihaz xəttin yeni qabaqcılı olmalıdır, buna görə də onu ən güclü prosessor və məhsuldar iş üçün kifayət qədər operativ yaddaşla təchiz etməyi planlaşdırırlar.”Snapdragon 898″-dən istifadənin səbəblərindən biri Çin istehsalı olan “5G” modemlərindən istifadəni qadağan edən ABŞ sanksiyalarının uzadılmasıdır. Buna baxmayaraq, cihaz xəttdə ən məhsuldar olmalıdır. Digital Chat Station -dan verilən məlumata görə, smartfonun rəsmi anonsu bir neçə ay ərzində ictimaiyyətə açıqlanacaq.”Huawei Mate 50″ adaptiv təsvir yeniləmə sürətinin aşkarlanması sistemi ilə LTPO ekranı almalıdır. Həmçinin, smartfon standart olaraq quraşdırılmış “HarmonyOS”-un yeni versiyası ilə təchiz olunacaq. Gələcək cihazın digər funksiyaları haqqında məlumat hələ mövcud deyil.
