“Google” şirkəti bu yay foto, video və bağlantıları digər “Android” qurğu sahibləri ilə paylaşmağa imkan verən “Nearby Sharing” sürətli məlumat mübadiləsi funksiyasının açıq sınaqlarına başlayıb. İndi axtarış nəhəngi faydalı xidmətin funksionallığının genişləndirilməsini elan edib. İstifadəçilər, həmçinin “Google Play” proqramlarını digər cihazlarla paylaşa biləcəklər.“Google” şirkəti hələlik yeni funksiyanın işləməsi haqqında heç bir texniki təfərrüat açıqlamır.
“Nearby Share funksiyasının yenilənməsi mobil qoşulma və ya Wi-Fi olmadığı halda belə “Google Play” proqramlarını “Android” smartfonunun köməyi ilə yaxınlıqdakı insanlarla paylaşmağa imkan verəcək” – “Google”un saytında deyilir.
