Tədbirin rəsmi saytında geri sayım taymeri şəklində müvafiq elan yer alıb. Şirkət həmçinin qarşıdan gələn təqdimat üçün onlayn nümayişi real izləyicilərin iştirakı ilə birləşdirəcək “hibrid” formatı da açıqlayıb.
Konfrans mayın 11 və 12-də onlayn baş tutacaq, onun bir hissəsi, ehtimal ki, Google I/O-nun tez-tez keçirildiyi Kaliforniya ştatının Mountain View şəhərindəki Shoreline Amfiteatrından canlı yayımlanacaq.
“Google”-un sözçüsü Alex Garcia-Kummert The Verge-ə bildirib ki, “Builki tədbir məhdud auditoriya üçün canlı yayımlanacaq, tamamilə pulsuz və virtual olaraq hamı üçün açıq olacaq”.
Jurnalistlərin fikrincə, təqdimatda əslində əsasən Google əməkdaşları və şirkətin bəzi tərəfdaşları iştirak edəcək. Konfransın Android 13 əməliyyat sistemi ilə baş tutacağı gözlənilir – şirkət keçən il analoji tədbirdə “yaşıl robot”un əvvəlki versiyasını təqdim etdi.
