“Google” şirkəti 2021-ci ilin yayından 2 ildən çox istifadə edilməyən “Gmail”, “Google Drive” və ya “Google Photos” hesablarının silinməsi qaydasını tətbiq edəcək.“ICTinfo.az” “ferra.ru” saytına istinadən yazır ki,hesabınızın silinməməsi üçün ara-sıra ondan istifadə etmək lazımdır.Bu halda istifadəçi onun hesabı üçün ayrılmış 15 QB-lıq limit həddini keçərsə və 2 il müddətində əlavə disk sahəsi üçün ödəniş etməsə, axtarış nəhəngi yuxarıda göstərilən xidmətlərdəki məzmunu silmək hüququna malik olacaq.
Qeyd etmək lazımdır ki, şirkət hesabı silməzdən öncə onun sahibinə öz niyyəti haqqında bildirəcək. Xəbərdarlıq elektron poçta məktub şəklində göndəriləcək.
