Şaquli videolar çoxdan “TikTok” üçün eksklüziv deyil,lakin istifadəçilərin bu fenomenə reaksiyası hələ də qarışıqdır.Görünür,”Google” hələ də bu formata müsbət yanaşır: şirkət “YouTube Shorts”-un analoqunu birbaşa “Google Play” interfeysinə əlavə edib və bunun nə üçün lazım olduğunu izah edib.
Qısa videolar tətbiq mağazasının ana səhifəsinin yuxarı hissəsində yerləşdiriləcək.Üfüqi şəkildə fırlanan “Play Report” karuselində bloqçuların və “Google” əməkdaşlarının yeni tətbiqlər haqqında danışdıqları və fikirlərini bölüşdüyü videolar var. Bu videoların hamısı hazırda “Google”-un nəzarəti altındadır, ona görə də tərtibatçılar öz reklamlarını dərc edə bilməyəcəklər.
Hal-hazırda “Shorts” analoqu ABŞ-da məhdud sayda istifadəçilər üçün test rejimində mövcuddur. Qalan hər kəs “YouTube” və digər platformalarda videolara baxa biləcək. Gözlənilir ki, sonradan innovasiya qlobal xarakter alacaq.Onun nə vaxt və hansı regionlarda tətbiq ediləcəyi barədə şirkət hələlik məlumat verməyib.
