“Android 12L” hələ beta testində olsa da,”Google” bu gün “Android 13”-ün ilk versiyasını buraxdı.Android 13 Developer Preview 1 yalnız tərtibatçılar üçün nəzərdə tutulub, beta versiyası daha sonra hər kəs üçün əlçatan olacaq və buraxılış 2022-ci ilin payızında gözlənilir. Yeni ƏS hazırda Pixel seriyalı smartfonlar – “Pixel 6 Pro”, “Pixel 6”, “Pixel 5a 5G”, “Pixel 5”, “Pixel 4a” (5G), “Pixel 4a”, “Pixel 4 XL” və “Pixel 4″ üçün əlçatandır.”Android 13”-də yeniliklər yenilənmiş mövzular və məxfilik xüsusiyyətləri, yeni dil idarəetmə alətləri və əlbəttə ki, bir çox daxili yeniləmələrdir.
“Android 12″ divar kağızına uyğunlaşan rənglərlə fərdiləşdirilə bilən Material You mövzularını təqdim edir.”Android 13”-də hər hansı proqramlar mövzuya uyğun gəlmək üçün öz ikonalarından istifadə edə bilər, nəinki “Google”-un markalı proqramları. Bu cür nişanlar quraşdırılmış divar kağızı ilə uyğun olaraq rəng tonu alır. Bu funksiya ilk olaraq “Pixel” smartfonlarında görünəcək, lakin “Google” daha geniş istifadəyə verilməsi üçün smartfon istehsalçıları ilə işlədiyini deyir.
Yeni təhlükəsizlik xüsusiyyətləri proqramdan cihazdakı bütün fotoşəkillərə baxmaq icazəsi tələb etmədən fotoşəkilləri və videoları ayrıca proqramla paylaşmağa imkan verir. “Google” nəhayət bu funksiyanı “Android 11” və yuxarı versiyalarla işləyən bütün telefonlara təqdim etməyi planlaşdırır.
Tətbiqlərə həmçinin məkan icazələrinə ehtiyac olmadan “Wi-Fi” qaynar nöqtələrini kəşf etməyə və onlara qoşulmağa icazə veriləcək.
Digər mühüm yenilik ondan ibarətdir ki, dil parametrləri artıq hər bir proqram üçün ayrıca təyin oluna bilər.Bu, çoxdilli istifadəçilər üçün xüsusilə əlverişlidir.
“Google” aprel ayından başlayaraq beta sınağı ilə “Android 13” tərtibatçı önizləmələrini fevral və mart aylarında buraxmağı planlaşdırır.
