Yeni Galaxy AI xüsusiyyətlərinin bəziləri yalnız Galaxy S26 seriyasına məxsus idi və bu da əvvəlki modelin sahibləri arasında narazılığa səbəb oldu. Nəticədə, Samsung əvvəlki nəsil cihazların imkanlarını aartırmaq planlarını rəsmi olaraq təsdiqlədi.
Samsung Community forumundakı bir paylaşımda şirkət moderatoru istifadəçilərə rəylərinə görə təşəkkür etdi və proqram təminatı yeniləməsinin hazırlandığını elan etdi. Bu yeniləmə, süni intellektlə işləyən zənglərin yoxlanılması da daxil olmaqla, genişləndirilmiş Galaxy AI xüsusiyyətlərini təqdim edəcək.
Xatırladaq ki, istehsalçı Galaxy S26 seriyasında bir neçə yeni süni intellekt xüsusiyyətini təqdim etdi. Bunlara Agentic AI, AI ISP görüntü emalı texnologiyası, Creative Studio, Now Nudge, yeni Bixby, eləcə də təkmilləşdirilmiş Audio Eraser, Now Brief və Photo Assist alətləri daxildir.
Bütün yeni xüsusiyyətlərin One UI 8.5-in stabil versiyasında tətbiq olunacağı gözlənilir. Lakin, Galaxy S25 üçün yeni xüsusiyyətlərin dəqiq siyahısı hələ təsdiqlənməyib.
