“Facebook” şəxsi məlumatları daha rahat idarə etmək üçün yeni funksiya yaradıb.Yeni alət vasitəsilə istifadəçilər öz hesablarından rəqəmli izləri daha asan şəkildə silə biləcəklər.Yeni “Manage Activity” funksiyası funksiya istifadəçilərə köhnə paylaşımları tək-tək və ya qrup halında gizlətməyə imkan verir.İlk öncə yenilik “Facebook”un mobil proqramlarında əlçatan olacaq.Bir müddətdən sonra onun “Facebook Lite” və saytın özünə əlavə edilməsi planlaşdırılır.
Şirkətdən bildirilib ki, sözügedən funksiya bu gün sizin kim olduğunuzu daha dəqiq əks etdirmək üçün nəzərdə tutulub və hazırlanıb. Məsələn, istifadəçi öz hesabını keçmiş sevgilisi ilə bağlı xatirələrdən təmizləmək istəyir.
İstifadəçi bu və ya digər paylaşımı digər insanlardan gizlətmək üçün onu arxivə əlavə edə biləcək. Paylaşımı tamamilə silmək üçün onu səbətə sürüşdürmək lazımdır. Səbətə daxil etdiyini paylaşımlar orada 30 gün saxlanılacaq, sonra isə avtomatik silinəcək.Bir neçə paylaşımı arxivləşdirmək və ya silmək üçün filtrdən istifadə etmək olacaq – konkret tarixdə və konkret tipdə (mətn, foto, video) yayımlanan paylaşımlar.
