“Facebook” öz rəqiblərini hər sahədə qabaqlamağı qarşısına məqsəd qoyub. Belə ki, oktyabr ayında istifadəyə verilən Slideshow-a yeni xüsusiyyətlər əlavə olunub. Xatırladaq ki, Slideshow reklamların slaydlar vasitəsilə “Facebook”da yayımına şərait yaradırdı. Belə ki, istifadəçi fotolardan istifadə edərək videolar düzəldir və reklam şəklində yayımlayırdılar.Technote.az bildirir ki, “Facebook”, Slideshow-a olan marağı daha da artırmaq üçün yeniliklər edib.
Slideshow-un yenilikləri nədən ibarətdir?
Artıq düzəltdiyiniz reklamlara yazı və musiqi əlavə etmək mümkün olacaq. Reklam verənlər daha zəngin reklam forması təqdim etmək istəyirsə, istədikləri font (şrift), tema və rəngləri seçə biləcəklər. Bundan əlavə videolarda istifadə edəcəyiniz musiqini də öz zövqünüzə uyğun təyin edə biləcəksiniz.
İstifadəçilər “Facebook”un təqdim etdiyi vizual kitabxanadan görüntülər seçərək, öz reklamlarında istifadə edə biləcəklər. Zəif internet şəraitində videolardan reklam düzəltmək asan olacaq. Slideshow-a videonu yüklədikdən sonra, Slideshow-u hazırlamaq üçün 10 ədəd şəkil seçilə bilər. 2G şəbəkəli internetdən istifadə edən şəxslər belə, bu tip reklamları görə biləcəklər.
