“Apple” şüşə parçadan hazırlanan “iMac”-ı patentləşdirdi. Bu barədə “Patently Apple” nəşri məlumat yayıb.Yeni ixtira Amerika Birləşmiş Ştatları Patent və Ticarət Brendi Ofisinin (USPTO) saytında qeyd edildi. Cihaz aşağıya doğru əyilmiş bir şüşə parçadan ibarət monoblok kompüterdir. Cihazın tək bir səthdə yerləşən ekranı və klaviaturası var. Prosessor,RAM və cihazın digər komponentləri korpusun içərisindədir.
Kompüterin alt və arxa hissələrində quruluşu üfüqi bir səthdə düz tutmaq üçün bir stend var. Göründüyü kimi, cihazın ekranı çevik OLED panel üzərində qurulub, çünki displey aşağı hissədə bir qədər əyri vəziyyətdədir.
“Apple” mühəndisləri şirkətin kompüter üçün şüşə istehsal etmək niyyətini izah ediblər. Şüşə gövdə şəffaf, örtülmüş, rəngli və ya qeyri -şəffaf bir komponent istehsal etmək üçün işlənmiş digər materiallardan hazırlana bilər. Bədən qismən yarı şəffaf polimerlərdən və yarı şəffaf keramikadan ibarətdir.
Amerika brendinin hazırkı kompüterləri möhkəm alüminium parçasına əsaslanır. Şüşə “iPhone” kimi digər cihazlarda istifadə olunur.
