AST SpaceMobile və telekommunikasiya operatoru AT&T peykdən istifadə edərək 5G şəbəkəsi vasitəsilə ilk zəngi elan etdi. O, baza stansiyası kimi xidmət edərək yerüstü baza stansiyasının köməyi olmadan iki nəfərin bir-biri ilə əlaqəsin yaratmaqla ənənəvi “kosmik” rabitəni uğurla əvəz etdi.
Zəng xüsusi avadanlıq olmadan adi Samsung Galaxy S22 istifadə edərək edilib. Həmsöhbətlər arasındakı məsafə 12 955 km idi və onların hər biri mobil şəbəkənin əhatə dairəsindən kənarda idi. Bir sınaqçı Mauidə (Havayda), ikincisi Madriddə (İspaniya) olub.
Baza stansiyasının rolunu BlueWalker 3 peyki oynayıb, o, ənənəvi peyk rabitəsini əvəz edərək, Amerika operatoru AT&T-nin 5G şəbəkəsini abunəçilər arasında “paylayıb”. Qoşulma faktını Nokia brendinin və Vodafone operatorunun nümayəndələri də təsdiqləyiblər. Təcrübə zamanı simsiz qoşulma sürəti də ölçüldü – 14 Mbit/s idi.
AST SpaceMobile şirkəti gələn ilin birinci rübündə “telefon danışıqlarının sərhədlərini aşmaq” üçün beş BlueBird peykini buraxmağı planlaşdırır. Belə rabitənin abunəçilərə nə vaxt və hansı şərtlərlə veriləcəyi hələlik məlum deyil. Bu ilin əvvəlində şirkət 2G və 4G şəbəkələri ilə oxşar təcrübə keçirib.
