“Ericsson”-un proqnozlarına görə,bu ilin sonuna kimi beşinci nəsil rabitədən istifadə edən abunəçilərin qlobal sayı 1 milyard nəfərə çatacaq. Dünən dərc olunan hesabata görə, iyul-sentyabr aylarında onların sayı 110 milyon artaraq təqribən 870 milyona çatıb.Beləliklə, təkcə cari ildə “5G” istifadəçilərinin sayı iki dəfə artacaq,anacaq 2021-ci ilin sonuna qlobal “5G” auditoriyası 580 milyon idi.
Göstərilən müddət ərzində 5G istifadəçilərinin sayı bir milyard həddi keçərsə, bu o demək olacaq ki, “5G” texnologiyasının “doqquz rəqəmli” göstəriciləri eyni vaxtda 4G şəbəkələrindən iki il tez əldə edilib.”Ericsson” “5G”-nin bu gün mobil rabitənin ən sürətlə böyüyən nəsli olduğunu iddia edir.
“Ericsson” həmçinin güman edir ki, telekommunikasiya provayderləri beşinci nəsil mobil həlləri fəal şəkildə tətbiq etməyə davam edəcəklər və stasionar simsiz çıxışın inkişafı sürəti artmağa davam edəcək. Mobil şəbəkələr tərəfindən təmin edilən qlobal trafik faktiki olaraq hər iki ildən bir ikiqat artır.
Bununla belə, paralel olaraq “4G” abunəçilərinin sayı da artır.Belə ki, iyul-sentyabr aylarında müvafiq istifadəçi bazası 41 milyon istifadəçi artıb və ilin sonuna kimi müəyyən tariflər üzrə 5,2 milyard abunəçiyə çatmalıdır. Eyni zamanda, eyni dövrdə ümumilikdə mobil qoşulmaların sayı 8,4 milyardı ötəcək.
2028-ci ilə qədər qlobal 5G istifadəçi bazası 5 milyarda çatmalıdır və 5G şəbəkələri bütün mobil abunəçilərin 55%-ni təşkil edəcək. Ümumilikdə 2028-ci ildə qoşulmaların sayı 9,2 milyardı ötməlidir.
