“Gartner” tədqiqat mərkəzinin mütəxəssisləri müasir mobil cihazlar bazarını təhlil ediblər.“life.ru” saytının məlumata görə, mütəxəssislər o nəticəyə gəliblər ki, 2016-cı ildə mobil telefon tədarükünün həcmi yenidən azalacaq.Bu dəfə “Gartner” 1,6 faiz azalma gözləyir. Ötən ilin 12 ayı ərzində tədarükün həcmi 0,75 faiz azalıb.
Ancaq mütəxəssislər əmindirlər ki, mobil cihazların tədarükü müsbət inkişafa artıq 2017-ci ildə qayıdacaq. Analitiklərin məlumatına görə, gələn il satışa çıxarılacaq smartfonların sayı 1,9 milyard ədəd olacaq. 2018-ci ildə bu rəqəm 1,93 milyard ədədə qədər artacaq. Bu il isə bu rəqəm 1,89 milyard ədəd təşkil edəcək.
“Android” smartfonların tədarükünün artımına Çin istehsalçıları səbəb olacaq. Artıq indidən onlar əlçatan qiymətə güclü cihazlar təklif edirlər.
Mütəxəssislər güman edir ki, bu il “Apple” yenidən satışların azaldığı barədə məlumat verəcək.
