“Xiaomi”-nin “Mi 11 Lite” modelinin 120 hers yeniləmə tezlikli “IPS” ekranla buraxılacağı gözlənilir.“ICTinfo.az” “Lenta.ru” resursuna istinadən yazır ki,jurnalistlər blogerlərə və Hindistanın tənzimləyici orqanının (Bureau of Indian Standards, BIS) saytından smartfonun xüsusiyyətləri barədə əldə edilən informasiyaya istinad edirlər.Qurğu “5G” şəbəkəsini dəstəkləməyən “Qualcomm Snapdragon 732G” prosessoru üzərində qurulacaq.Bununla yanaşı, mənbələrin fikrincə, “Xiaomi” qurğunun beşinci nəsil mobil rabitə şəbəkəsini dəstəkləyən ayrıca versiyasını təqdim edə bilər.
Məlumata görə, smartfon 6 giqabaytlıq operativ və minimum 64 giqabaytlıq quraşdırılmış yaddaş tutumu ilə təchiz ediləcək. “Mi 11” seriyasının kiçik smartfonu adlandırılan “Mi 11 Lite” modelinin arxa panelinə 64, 8 və 5 meqapiksel obyektivlərinə malik üçlü kamera quraşdırılacaq.
Mənbələrin fikrincə, smartfon 33 vatt gücündə sürətli enerjidoldurma dəstəkli 4150 milliamper/saat tutumlu akkumulyatorla təchiz olunacaq. Blogerlər tərəfindən “Mi 11 Lite” çox nazik və yüngül korpuslu minimalistik smartfon kimi təsvir edilir. Smartfonun təqdimat tarixi açıqlanmır. 
