Çinin “GizmoChina” saytının mütəxəssisləri ən yaxşı büdcə smartfonlarının reytinqini dərc etdilər.
“ICTinfo.az” “life.ru” resursuna istinadən bildirir ki,”ZTE Nubia M2″ reytinq sıralamada lider oldu.Onun qiyməti 160 dollar təşkil edir. Qalan ən yaxşıların beşliyində dörd yeri Çinin “Xiaomi” şirkətinin istehsal etdiyi smartfonlar tutub.
Belə ki, beşlikdə ikinci sıranı 159 dollarlıq “Xiaomi Redmi S2” smartfonu tutub. Onun büdcə smartfonu kimi şirkətin smartfonları sırasında ən yaxşı olmasına səbəb ön və əsas kameralardır.
“Xiaomi Redmi 5 Plus” reytinqdə üçüncü oldu. 190 dollarlıq bu smartfon güclü oyun prosessoru və tərəflərin 18:9 nisbətiylə ekranla fərqlənir.
Reytinqdə dördüncü və beşinci yeri “Xiaomi Redmi 5” və “Xiaomi Redmi Note 5” tutub.
Premium seqmentində isə ən müasir smartfonlar hazırda “Samsung Galaxy S9+”, “Huawei P20 Pro”, “Sony Xperia XZ2”, “Xiaomi Mi Mix 2s” və “Asus Zenfone 5z” smartfonları hesab edilirlər
