Sinqapur alimləri tərəfindən hazırlanan dünyada ilk dəfə idarə edilən hava şarı insanı havanın stratosfer qatına aparacaq.»ICTinfo.az» «hi-news.ru»-ya istinadən bildirir ki,bu barədə «In.Genius» şirkətinin rəhbəri Lim Sen bildirib.Artıq səyatət üçün 26 pilot arasından ən yaxşısı seçilib.Sinqapur mütəxəssisləri bu layihəni beş il əvvəl hazırlayıblar.
Verilən məlumata görə,pilot hava şarına bərkidilən xüsusi şəffaf kabinada oturacaq.Kabina daxilində təzyiq və temperatur tənzim ediləcək.Bu pilota dəniz səviyyəsindən 19200 metr yüksəklikdə xüsusi avadanlıqsız təzyiqə qarşı dözümlü olmağa kömək edəcək.
Hava şarı bu ilin yaz aylarında Avstarliyinın Alisa-Sprinqs şəhərinin yaxınlığında fəzaya buraxılacaq.Layihənin dəyəri 7,6 milyon dollar təşkil edir.
Qeyd edək ki, hələ 2015-ci ildə layihənin reallaşdırılması planlaşdırılırdı.Həmin vaxt texniki səbəblərdən layihəni reallaşdırmaq mümkün olmadı.Bundan başqa Mülki Aviasiya İdarəsi təhlükəsizlik məsələləri ilə əlaqədar olaraq buna icazə verməyib.Bundan bir il sonra «In Genius» şirkəti hava şarını fəzaya buraxsa da o, yalnız 30 kilometr hündürlüyə qalxa bilib.
