Yaponiyanın «Japan Display Inc.» şirkəti dünyada ilk şüşə üzərində yerləşən və yüksək texnologiyalı daktiloskopik skanerin prototipini hazırladı.Yenilik etibarlı, yüksək təhlükəsizlik tələb edən müxtəlif avadanlıqlara və qurğulara tətbiq ediləcək.
«ICTinfo.az» «dni24.com»-a istinadən bildirir ki,»Pixel Eyes» adlanan yeni texnologiya, ölçüsü 8×8 millimetr olan barmaq izlərinin skanerini təşkil edir.O çox həssas sensora malik olmaqla insanın ən kiçik toxunmasına reaksiya verir.
Qeyd edilir ki, «Pixel Eyes»-i bu günlərdə «Vivo» şirkətinin təqdim etdiyi smartfonunda tətbiq edilən «Synaptics» texnologiyası ilə qarışdırmaq lazım deyil. İkinci variant sadəcə ekranın altında yerləşdirilən skanerdir ,amma «JDI» barmaq izinin skan edilməsi üçün birbaşa ekranda olan aktiv sahədir.»JDI» texnologiyalı barmaq izlərinin skanerləri hətta LCD-ekranlara qurmaq olar, halbuki «Synaptics» tənzimçiləri yalnız OLED-panellərə uyğundur.
Bu texnologiya əsasında hazırlanan qurğu növbəti ildən satışa çıxa bilər.
