«Samsung» şirkəti növbəti nəsil qabaqcıl «Galaxy S9» və «Galaxy S9+» smartfonları böyük ekranla rəqiblərinin geridə qoyacaq.»Ictinfo.az» «dni24.com» resursuna istinadən yazır ki, «Galaxy S9» və «Galaxy S9+» smartfonlarının dizaynı dəyişməz qalacaq və qurğu 5,8 və 6,2 düym diaqonallı çərçivəsiz «Super AMOLED» ekranlar alacaq.»Galaxy S9″ və «Galaxy S9+» 10 nanometrlik «Qualcomm Snapdragon 845» prosessoru bazasında ilk və bir müddət yeganə smartfonlar olacaq. Yeni çipdən ABŞ bazarı üçün nəzərdə tutulan «Galaxy S9» modellərində istifadə ediləcək, digər regionlar üçün smartfonun əsasını 10 nanometrlik «Samsung Exynos 9810» platforması təşkil edəcək.
«Galaxy S9+» versiyasının böyük ekranla yanaşı, «Galaxy S9»-da quraşdırılan 4 giqabayta nisbətdə iritutumlu — 6 giqabaytlıq operativ yaddaş, eləcə də «Galaxy Note 8» modelində olduğu kimi, qoşa kamera ilə təchiz ediləcəyi gözlənilir. Bundan başqa, modellər 64 giqabaytlıq quraşdırılmış yaddaş, «microSD» kartları üçün slot və 3,5 millimetrlik çıxışla təchiz olunacaq. Həmçinin «AKG» stereodinamikləri qeyd edilir.
Tək və ya qoşa kameradan asılı olmayaraq hər iki smartfonun arxa panel elementləri barmaq izi skaneri kamera modulu altında olmaqla vertikal şəkilli olacaq.
Qeyd edək ki,»Samsung Electronics» şirkəti növbəti nəsil qabaqcıl «Galaxy S9» və «Galaxy S9+» smartfonlarını 2018-ci il yanvarın 9-12-də Las-Veqasda keçiriləcək «CES 2018» sərgisində nümayiş etdirməsi gözlənilir.
