Berlində keçirilən “IFA 2017” sərgisində böyük marağa səbəb olan “Samsung”-un “Family Hub” soyuducuları səsin tanınması funksiyası ilə təmin edilib. Onlar ilin ikinci yarısında Avropa ölkələrində əlçatan olacaq.
“Ictinfo.az” “4pda.ru”-ya istinadən bildirir ki,səs sorğuların köməyi ilə istifadəçilər soyuducudan vaxtı və hava proqnozunu öyrənə, internetdə lazımlı informasiyanı tapa, xəbəri oxuya, musiqiyə və radioya qulaq asa, hətta soyuducunun qapıcıqları açmadan onun içərisinə baxıb alınacaq ərzaqların siyahısın öyrənə bilər.
Bundan başqa, şirkət Samsung Connect proqramında “ağıllı” ev üçün yeni funksiyaları təqdim edəcək . “Family Hub”-da proqram “əşyaların interneti” qurğularına nəzarət etməyə icazə verir. “Family Hub” displeyi vasitəsilə istifadəçilər “AddWash” paltaryuyan maşınını idarə edə və ya “POWERbot” tozsoranına qonaq otağında “təmizləməyə başla” əmrini verə biləcəklər.
