Mobil Dünya Konqresində (MWC) 2024 ZTE 200 dollara sərfəli qiymətə Nubia Focus 5G Pro smartfonunu təqdim etdi. Yeni məhsul yüksək keyfiyyətli mobil fotoqrafiyanı daha əlçatan səviyyəyə çatdıran 108 meqapiksellik əsas kameraya malikdir.
Smartfon Neovision texnologiyası əsasında 108 meqapiksel ayırdetmə qabiliyyətinə malik, dörd fokus məsafəsi və optik sabitləşmə dəstəyi ilə flaqman səviyyəli ikili kamera ilə təchiz edilib. Cihaz həmçinin sensordaxili miqyas alqoritmi, RAW rejimi, RAW HDR və 4K video kimi bir çox funksiyaları təklif edir. Yeni məhsulun ön tərəfində 32 meqapiksellik kamera var.
Qurğu 1612×720 piksel təsvir ölçülü 6,6 düymlük ekran və 120 Hz yeniləmə tezliyi təklif edir. Nubia Focus 5G Pro 2,2 GHz-ə qədər tezliyə malik 6 nanometrlik UniSoC T760 prosessoruna əsaslanır. Yeni məhsul həmçinin 8 və ya 12 GB operativ yaddaş və 256 GB-a qədər daimi yaddaş təklif edir.
Cihaz 5000 mAs batareya ilə təchiz edilmişdir. İstehsalçı qeyd edir ki, yeni məhsulda DTS səs texnologiyası, eləcə də smartfonun batareyasının ömrünü artıran AI enerjiyə qənaət texnologiyası var. Paketə 33W şarj cihazı daxildir.
