Təxminən 40 ildir müxtəlif cihazlardan məlumatların bərpası ilə məşğul olan DriveSavers şirkətinin mühəndisi ümidsiz şəkildə zədələnmiş smartfon və kompüterlərdən məlumatların bərpası üçün yeni texnologiya təklif edib. Bunun üçün o, rentgen şüalarından istifadə edir.
Keçən ilin sonundan etibarən DriveSavers real vaxt rejimində rentgen görüntülərini çəkməyə imkan verən sistemdən istifadə edir. İndiyədək bu texnologiya elektronikanın yoxlanılması, səhvlərin təhlili və keyfiyyətinin öyrənilməsi üçün istifadə olunurdu. Məsələn, cihazı açmadan zədələnmiş mikrosxemləri və onların birləşməsinin düzgünlüyünü aşkar etməyə imkan verdi. İndi bu üsul zədələnmiş qacetlərdən məlumatları bərpa edərkən də istifadə olunur.
“Rentgen texnologiyasının istifadəsi artıq diaqnozda kömək edir və məlumatları bərpa etmək qabiliyyətimizi genişləndirir. Biz məlumatların bərpasında dəqiqliyimizi, səmərəliliyimizi və sürətimizi artırmaq üçün başqa yolları səbirsizliklə gözləyirik,” DriveSavers şirkətinin baş direktoru Mayk Kobb bildirib.
Göründüyü kimi, DriveSavers-in aparıcı flash mütəxəssisi bütün komandası kimi Apple-dan idi və onlar təsirə məruz qalmış kompüter lövhələrindən məlumatları M1-ə köçürən ilk şəxslər olub. Təəssüf ki, şirkətin bloqunda rentgen şüalarının birbaşa məlumatların bərpasına necə kömək etdiyi göstərilmir.
