İnnovasiya və Rəqəmsal İnkişaf Agentliyi ölkənin ilk rəsmi Mələk İnvestorlar Klubu olan “Technovate – Sabah’’la əməkdaşlığa başlayır. Əməkdaşlıq çərçivəsində İRİA sözügedən klubun insan resurslarının formalaşdırılmasına, idarəetmə xərclərinin qarşılanmasına və investorların səriştəliyinin artırılmasına dəstək verəcək. “Technovate – Sabah’’ öz növbəsində kluba üzv olacaq yeni investorların sayını əhəmiyyətli dərəcədə artırmaqla erkən inkişaf mərhələsində olan startaplara sərmayə ayrılmasını həyata keçirəcək.
Məqsəd:
investorlarla potensial startapları bir araya gətirmək
innovativ ideyaları dəstəkləmək
yerli startapların bir çoxunun ‘’toxum’’ investisiyalara əlçatanlığını təmin etməkdir.
