Bu gün İnnovasiya və Rəqəmsal İnkişaf Agentliyini (İRİA”) ofisində ‘’Açıq Məlumatlar Bazası’’ portalının yenilənmiş versiyasının ictimai təqdimatı keçirilib. Bir çox dövlət qurumları, nazirliklər və özəl sektorun məsul əməkdaşları, startaplar və tech media tədbirdə iştrak edib. İRİA sədr müavini vəzifəsini müvəqqəti icra edən Rəşad Xalıqov yeni portalın üstünlüklərindən danışıb.
“Açıq Məlumatlar Bazası”:
İstifadəçilərə data əsaslı yeni məhsul və xidmətlərin yaradılmasına münbit zəmin yaradır;
İstifadəçiyə məlumatları rahat əldə edə bilməsi üçün təkrar istifadə və paylaşım imkanı verir;
Bir neçə qurumun 20 kateqoriya üzrə 500-ə yaxın xidmətlə bağlı məlumatlarını bir yerə toplayır;
Qurumların hesabatlılıq və şəffaflıq göstəricilərini yüksəldir;
Eyni zamanda elmi-tədqiqat mərkəzlərində çalışan gənc alimlər bu portalda öz əksini tapmış böyük verilənlər bazası sayəsində tədqiqat işlərini daha keyfiyyətli reallaşdıra biləcəklər.
