Tanınmış Çin insayderi Digital Chat Station gələcək qabaqcıl OPPO Find X4 Pro smartfonunun texniki xüsusiyyətləri ilə bağlı təfərrüatları paylaşıb.Məlumatlarına əsasən,indiki “Find X3 Pro”-dan güclü fərqlər gözləməyə dəyməz.
Təqdim olunan məlumata görə,”Find X4 Pro” 6,7 düymlük Quad HD+ təsvir ölçüsünə və 120 Hz yeniləmə sürətinə malik displey alacaq. Smartfonun “ürəyinin” “Qualcomm”-un yeni qabaqcıl “Snapdragon 8 Gen1″ çipi olacağı gözlənilir.Həmçinin insayderin mesajında 12 GB operativ yaddaş və ən azı 80 vatt gücündə sürətli enerji doldurma dəstəyi haqqında deyilir.”Find X4 Pro” əsas kamerasına 1/1,5 düymlük sensorlu 50 meqapiksellik iki modul və 2x optik zumlu başqa 13 və ya 12 meqapiksellik modullar daxil olmalıdır. Ön tərəfdə 32 meqapiksellik ön kamera olacaq.
Beləliklə, bir insayderin fikrincə,”Find X4 Pro” və “Find X3 Pro” arasındakı əsas fərqlər yeni prosessor və daha sürətli şarj olacaq. Ola bilər ki, sonda daha çox dəyişikliklər olsun. Smartfonun təqdimatı gələn ilin əvvəlində gözlənilir.
