Yaponiyanın Bayanat şirkəti Aerwins Technologies ilə birlikdə BƏƏ-də Xturismo Hoverbike uçan motosikletini rəsmi olaraq təqdim etdi. Onun hər biri 230 at gücündə olmaqla xilasetmə əməliyyatlarında istifadə olunacaq.
300 kq ağırlığında olan motosikletin özü aviasiya və kosmik sənayedə istifadə olunan yüksək möhkəmlikli karbon lifindən hazırlanıb.O,20 metr hündürlüyə qalxmaqla 80 km/saat sürətlə 40 dəqiqə hərəkət edə bilir.
Bu avtomobil BƏƏ ərazisinə xas olan əlverişsiz təbii şəraiti nəzərə alaraq hazırlanıb. Səhra ərazilərində özünü rahat hiss edir və hətta suyun üzərində də uça bilir. Əbu-Dabi polisinin, BƏƏ-nin Mədəniyyət və Turizm Nazirliyinin və Səhiyyə Nazirliyinin nümayəndələrinin dəvət olunduğu tədbirdə yenilik nümayiş etdirilib. Belə uçan motosikletin qiyməti təxminən 555 min dollardır.
