Xiaomi hələ rəsmi olaraq ilk avtomobilini təqdim etməyib, lakin o, artıq Çin şəhərlərinin yollarında “uçur”. Dizaynını gizlətmək üçün xüsusi kamuflyaj geyinmiş SU7 elektromobili hərəkət zamanı və küçədə gözləyərkən çəkilib,bunun sayəsində indi onun salonunun görüntüləri var.
Biz artıq avtomobilin dizaynını görmüşük və təqdim olunan videoda Xiaomi SU7-nin hərəkət zamanı özüün necə apardığını görə bilərsiniz.Elektrik avtomobilin ötmə zamanı onun yüksək dinamikasını və sürətlənməsini də qeyd etmək olar. Mövcud məlumatlara görə, arxa ötürücülü versiya 210 km/saata, tam ötürücülü versiya isə 265 km/saata qədər sürət yığa biləcək.
Fotolarda bəzi daxili detalları görə bilərsiniz. Məsələn, sükan tanış yuvarlaq formaya sahib olacaq və çoxlu düymələrə malik olacaq, alət paneli isə tamamilə rəqəmsal olacaq. Sürücünün yan tərəfində avtomobilin müxtəlif funksiyalarını idarə etməyə cavabdeh olan üfüqi oriyentasiyaya malik böyük sensor ekran var. O, həmçinin naviqasiya və digər məlumatları göstərəcək. Çox güman ki, elektrikli avtomobil HyperOS ilə işləyəcək.
Xiaomi SU7-nin istehsalına dekabrda, satışların isə fevralda başlanacağı gözlənilir. Şayiələrə görə, elektromobilin qiyməti 40 min dollardan bir qədər baha olacaq.
