Çinin Xiaomi şirkətinin tərtibatçıları yeni Poco X5 Pro smartfonunu təqdim ediblər. Cihaz Snapdragon 778G prosessoru və Adreno 642L qrafik çipseti ilə təchiz ediləcək.Poco X5 Pro 128 GB yaddaşa və 6 GB RAM-a sahib olacaq. Qurğu 1080×2400 piksel təsvir ölçülü 6,67 düymlük AMOLED displeylə təchiz edilib. Ekranın yeniləmə sürəti 120 Hz olacaq. Mütəxəssislər qeyd edirlər ki, displey əvvəlki model Poco Pro-series X4 Pro ilə müqayisədə daha parlaq olacaq – 900 nit və 700 nit. Kamera 108 meqapiksel təsvir ölçülü modullarla, həmçinin səkkiz meqapiksellik geniş bucaqlı modul və iki meqapiksellik mikro kamera ilə təmsil olunur. Smartfonun ön hissəsində 16 meqapiksellik kamera var. Poco X5 Pro-nun batareya tutumu 5000 mAh-dir, o, həmçinin 67 Vt doldurmanı dəstəkləyir. Qadcet MIUI 14 qabığı ilə Android 13 əməliyyat sistemində işləyir.Qeyd edək ki, Poco X5-in əsas modifikasiyası Snapdragon 695 prosessoru ilə təchiz edilib.Yükləmə sürəti 33 vattdır. Cihazın qiyməti hələlik məlum deyil. İnsayder məlumatlara görə, Avropa bazarında smartfonun qiyməti 380 avro təşkil edəcək. Daha əvvəl Redmi Note 12T smartfonunun ilk şəkillərinin internetdə dərc edildiyi bildirilmişdi. İlkin məlumatlara görə, qadcet Snapdragon 7 Gen 2 prosessoru ilə təchiz ediləcək.
