Çin tənzimləyicisi TENAA-nın saytında bir neçə yeni “Xiaomi” smartfonunun adı çəkilib. İnsayderlərin fikrincə, söhbət şirkətin yaxın gələcəkdə təqdim edə biləcəyi kompakt qadcetlər ailəsindən gedir.
“ICTinfo.az” “Ferra.ru” resursuna istinadən bildirir ki,Çinin elektronika istehsalçısının hazırda L3 və L3A kimi tanınan ən azı iki yığcam cihazı buraxacağı gözlənilir.
İnternet mənbələrinin məlumatına görə, hər iki qurğu “Snapdragon 870” çipi əsasında qurulacaq.L3 modeli 6,3 düymlük ekranla təchiz olunacaq, ikinci yeniliyin diaqonalı açıqlanmayıb. Bu halda, hər iki displeydə maksimum yeniləmə sürəti 120 Hz və Full HD+ həlli olacaq.
Həmçinin bildirilir ki, qurğular 67 vatt sürətli enerji doldurma funksiyası alacaq. Bundan əlavə, brend flaqman yeni məhsulların seriyasını buraxmağa hazırlaşır: müvafiq olaraq L2, L1A və L1 nömrələri ilə tanınan “Xiaomi 12”, “12 Pro” və “12 Ultra”. Onların təqdimatının 2022-ci ilin əvvəlində baş tutacağı ilə bağlı şayiələr var, baxmayaraq ki, bəzi mənbələr şirkətin “Xiaomi 12”-nin əsas versiyasını 2021-ci ilin dekabrında buraxmağı planlaşdırır.
